കവിത വിരിയും മനസ്സില്‍
കനലുകള്‍ എരിയുന്നതറിയുമ്പോള്‍
ഒരു മഴത്തുള്ളിയായതില്‍ നിപതിക്കുവാന്‍
വെറുമൊരു മോഹമെന്നറിയുന്നു
എരിയുമാ മനസ്സിന്‍ തീച്ചൂളയില്‍
ഉരുകി തീരുമോ മോഹങ്ങള്‍
മഞ്ഞുതുള്ളിയായ് ഇറ്റുവീണിടാം
നിന്‍ മനസ്സിലേയ്ക്കിറ്റു തണവേകുവാന്‍
ചിരികൊണ്ടു പൊതിയുമാ പൊയ്മുഖമെന്നാലും
പുകയുന്നൊരുള്ളം കാണുന്നു ഞാന്‍
വിടരാതെ കൊഴിയരുതേ നിന്‍ സ്വപ്നങ്ങള്‍
വിടര്‍ത്തീടാം അവയെന്‍ ഊഷരഭൂവില്‍
വളര്‍ത്താം നിന്നിലെ സ്വപ്നങ്ങള്‍ മുല്ലവള്ളിപോല്‍,
പടര്‍ത്തീടാം സ്നേഹത്തിന്‍ തേന്മാവില്‍
അലകടലായ് ഉയരുമാ മോഹന സ്വപ്നം
തളിര്‍ത്തിടട്ടെ ഈ ജീവിത യാത്രയില്‍ .....
Subscribe to:
Post Comments (Atom)
No comments:
Post a Comment