Tuesday, June 29, 2010
മഴയുടെ കിന്നാരം ...
കടലാസുതോണിയൊന്നൊരുക്കി
നീ കാത്തിരുന്ന നേരം
ഇളംകാറ്റിനലയിൽ
നിന്നരുകിൽ വന്നണഞ്ഞില്ലേ
കുളിർ പകർന്നു പെയ്തിറങ്ങിയപ്പോൾ
പുതുജീവനേന്തി ലതകൾ തളിരണിഞ്ഞതല്ലേ
പൂത്തുലഞ്ഞീടുമീ മന്ദാരപൂക്കളും
ഇലഞ്ഞിപൂക്കളും നനവിൽ കുതിർന്നുവല്ലോ
കൊഴിയുവാൻ കാത്തുനിന്നൊരീ പനീർപൂക്കൾ
ഇതളുകളായ് ഒഴുകി വന്നല്ലോ
കാവും തൊടിയും തളിർത്തുവല്ലോ
തോടും കുളവും നിറഞ്ഞുവല്ലോ
അരുവികൾ പുഴകളായ് മാറിയല്ലോ
പുഴകളിൽ ഓളമായ് അലിഞ്ഞതല്ലേ
മനസ്സും ഭൂമിയും തണവറിഞ്ഞതില്ലേ
ഇനിയും നിലയ്ക്കാതെ പെയ്തീടണമോ...
Sunday, June 27, 2010
അമ്മതൊട്ടിൽ
ചിപ്പിയിൽ സൂക്ഷിച്ചൊരു മുത്തിനെ
അമ്മതൊട്ടിലിൽ കൈവിട്ടതെന്തേ
ആ പിഞ്ചിളം ചുണ്ടുകൾ വിതുമ്പിയപ്പോൾ
നിൻ മാറിടം ചുരന്നതറിഞ്ഞതില്ലേ
നെഞ്ചോടു ചേർക്കേണ്ട കുഞ്ഞിനെ
എന്തിനായ് നീ കൈയൊഴിഞ്ഞു
രക്തവും ജീവനുമേകി നിൻ ഭാഗമായ്
പേറ്റുനോവറിഞ്ഞു ജന്മമേകിയതല്ലേ
അമ്മിഞ്ഞപാൽ നുകരുവാനാകാത്ത
എന്തപരാധംചെയ്തതീ ഇളം പൈതൽ
നെഞ്ചകം നീറി നീ കൈവെടിഞ്ഞെന്നാലും
അമ്മതൊട്ടിലിൽ രക്ഷയേകുമെന്നോർത്തുവോ
നല്കുവാനാകാത്ത ആ വാൽസല്യം
എങ്ങിനെ നേടുമെന്നോർത്തുവോ നീ
ജന്മമേകുവാനാകാതെ നീറും മനസ്സുകൾ
അമ്മയായ് തീരുന്നതറിയുന്നുവോ നീ !!
Monday, June 21, 2010
നോവിച്ചിടാതെ...
കൊഴിഞ്ഞ കനവുകൾ തേടി വീണ്ടും
നീ എന്തിനു വെറുതെ അലയുന്നു
വരുകില്ലെന്നു ചൊല്ലി പിരിഞ്ഞു പോയതോർത്തു
ഏറെ നാൾ നെഞ്ചുരുകി കരഞ്ഞതല്ലേ
മരീചികയെന്തെന്നറിയാതെ നിന്നിൽ നിന്നും
അകലേക്കായ് ചിറകു വിരിച്ചു പറന്നതല്ലേ
ഇനിയൂം നിൻ മനസ്സിൻ തേങ്ങലുകൾ
ആരെയുമറിയിക്കാതെ അടക്കുകില്ലേ
കരയും മനസ്സിനെ നോവിക്കാതെ നീ
മനസ്സു തുറന്നൊന്നു ചിരിച്ചിടാമോ
നിഴലായ് നിന്നെ പിന്തുടരുമീ സ്നേഹ സ്വാന്തനം
നിലയ്ക്കാതിരിക്കുവാൻ ശ്രമിച്ചിടുമോ...
നീ എന്തിനു വെറുതെ അലയുന്നു
വരുകില്ലെന്നു ചൊല്ലി പിരിഞ്ഞു പോയതോർത്തു
ഏറെ നാൾ നെഞ്ചുരുകി കരഞ്ഞതല്ലേ
മരീചികയെന്തെന്നറിയാതെ നിന്നിൽ നിന്നും
അകലേക്കായ് ചിറകു വിരിച്ചു പറന്നതല്ലേ
ഇനിയൂം നിൻ മനസ്സിൻ തേങ്ങലുകൾ
ആരെയുമറിയിക്കാതെ അടക്കുകില്ലേ
കരയും മനസ്സിനെ നോവിക്കാതെ നീ
മനസ്സു തുറന്നൊന്നു ചിരിച്ചിടാമോ
നിഴലായ് നിന്നെ പിന്തുടരുമീ സ്നേഹ സ്വാന്തനം
നിലയ്ക്കാതിരിക്കുവാൻ ശ്രമിച്ചിടുമോ...
Subscribe to:
Posts (Atom)