പിരിയരുതിനിയൊരുനാളും
അകലരുതേ ജീവിതയാത്രയില്‍;
വിട ചൊല്ലി പോകുന്നേരം
പറഞ്ഞതാണെന്നോര്‍ക്കുന്നുവോ
മറഞ്ഞതെങ്ങു നീയിനിയും
മൊഴിയൊന്നു ചൊല്ലാതെ
പരിഭവശരങ്ങളേല്‍ക്കുവാന്‍
വഴിമാറി പോയതെങ്ങു നീ
പിറവി തന്‍ ധന്യതയേറവേ
മരണത്തെ പുല്കുവാനാകാതെ
പിടയുവതിനിയുമറിയാതെ
അകന്നു മാറി നില്പുവതെന്തേ
എന്നിലെ എന്നിലലിഞ്ഞുചേര്‍ന്ന്
സ്വായത്തമാക്കിയതെന്തിനായ്
മധുരമാം വചനങ്ങള്‍ പകരുവാനായ്
ആത്മധൈര്യം തേടുവാനോ
ഒഴുക്കാത്ത നീര്‍ത്തുള്ളികളാല്‍
നിറയുന്ന ഹൃദയ വേദനകള്‍
പകരാതെ ഞാനെന്നെ തടുത്തുനിര്‍ത്താം
അലിവോടെ നിന്നെ കാത്തിരിക്കാം
പുതിയൊരു വര്‍ഷ പുതുമയായ്
ജനുവരി തന്നോര്‍മ്മയായ്
തുളുമ്പുന്ന മിഴിനീര്‍പ്പുവുകളാല്‍
കുറിച്ചിടാം ഒരോമല്‍കാവ്യം
