കവിതയായ്,,,,

കവിതയുമായെന്‍ അരികിലെത്തി അക്ഷരലോകത്ത് പിച്ചവെച്ചു മൊഴികളിലൂടെ അലിഞ്ഞുചേര്‍ന്നു കാലൊന്നിടറാതെ കൈപിടിച്ചു ജന്മാന്തര പരിചിതമെന്നറിഞ്ഞു ഇത്രയും നാളെങ്ങൊളിച്ചിരുന്നു അറിയുന്തോറും അലിയുകയോ തമ്മിലകലാതിനിയും ഒന്നുചേരാം  വിരസമാം ജീവിത വീഥിയിതില്‍  വര്‍ണ്ണം വിതറുവാനായ് വന്നതല്ലയോ നിമിഷങ്ങളെണ്ണി കാത്തിരിക്കാം  മോഹങ്ങളുമായ് പറന്നുയരാം  സ്വപ്നങ്ങള്‍ക്കായ് നിറമേഴും നല്‍കാം  മൌനമിനിയും വാചാലമാക്കാം  മിഴികള്‍ തമ്മിലിടയുമ്പോള്‍  മൊഴികളില്ലാതെയെല്ലാം പറഞ്ഞു തരാം  വേറിട്ട സ്വപ്നങ്ങള്‍ പകുത്തു നല്‍കാം  വിണ്ണിന്‍ വാര്‍ത്തിങ്കളായ് ഉദിച്ചുയരാം  കൂരിരുള്‍ വീണാലും മിന്നാമിന്നിയായ് നിന്‍ ജീവനില്‍ വെളിച്ചമാകാം ...