ചിപ്പിയിൽ സൂക്ഷിച്ചൊരു മുത്തിനെ
അമ്മതൊട്ടിലിൽ കൈവിട്ടതെന്തേ
ആ പിഞ്ചിളം ചുണ്ടുകൾ വിതുമ്പിയപ്പോൾ
നിൻ മാറിടം ചുരന്നതറിഞ്ഞതില്ലേ
നെഞ്ചോടു ചേർക്കേണ്ട കുഞ്ഞിനെ
എന്തിനായ് നീ കൈയൊഴിഞ്ഞു
രക്തവും ജീവനുമേകി നിൻ ഭാഗമായ്
പേറ്റുനോവറിഞ്ഞു ജന്മമേകിയതല്ലേ
അമ്മിഞ്ഞപാൽ നുകരുവാനാകാത്ത
എന്തപരാധംചെയ്തതീ ഇളം പൈതൽ
നെഞ്ചകം നീറി നീ കൈവെടിഞ്ഞെന്നാലും
അമ്മതൊട്ടിലിൽ രക്ഷയേകുമെന്നോർത്തുവോ
നല്കുവാനാകാത്ത ആ വാൽസല്യം
എങ്ങിനെ നേടുമെന്നോർത്തുവോ നീ
ജന്മമേകുവാനാകാതെ നീറും മനസ്സുകൾ
അമ്മയായ് തീരുന്നതറിയുന്നുവോ നീ !!
No comments:
Post a Comment