എന്തിനെന്നറിയാതെ...

എന്തിനെന്നറിയാതെ... പെയ്തൊഴിഞ്ഞ മഴയില്‍ ഈറനണിഞ്ഞ ഭൂവിന്‍ മൃദുസ്മേരം കാണാതെ നീ പോയതെന്തിനായ് ആ നനവില്‍ നിന്നും പറന്നുയരുവനാകാതെ കൊഴിഞ്ഞ ചിറകുമായ് ഇഴഞ്ഞുപോയതെന്തിനായ് മാഞ്ഞുപോകും വസന്തമായ് മോഹിപ്പിച്ചതെന്തിനായ് കിനാവിന്റെ തീരത്തു നിന്നും വിളിച്ചുണര്‍ത്തിയതെന്തിനായ് കൈവിട്ടുപോയ പട്ടത്തിനായ് കേഴും മനസ്സു പോല്‍ പൊയ്പോയ നിമിഷങ്ങള്‍ക്കായ് വ്യമോഹിച്ചതെന്തിനായ് ചിപ്പിയൊന്നിതില്‍ സൂക്ഷിച്ച മുത്തിനെ കൈമോശം വന്നതറിയാതെ മന്ദഹസിച്ചതെന്തിനായ് എന്തിനെന്നറിയാതെ ഉള്ളില്‍ കരഞ്ഞിട്ടും തളരുന്ന മനസ്സിനെ ചിരികൊണ്ടു മൂടിയതെന്തിനായ്