ജന്മസാഫല്യമായ്..

കതിരവനുദിക്കും മുന്‍പേ കണികാണാനൊരുങ്ങി നില്‍ക്കും  ഉഷമലരി പൂവായ് ഞാനെന്‍  കായാമ്പൂവര്‍ണ്ണനരികിലെത്തിടട്ടെ നിര്‍മാല്യ സായൂജ്യത്തില്‍  മയങ്ങി നില്‍ക്കവേ വാകചാര്‍ത്തിന്‍ ദര്‍ശനപുണ്യം  പകര്‍ന്നേകുവാന്‍ ഞാനും വന്നിടട്ടെ ചെത്തിയും തുളസിയും മാറില്‍ ചേരവേ പാദമൊന്നു ചുംബിക്കുവാന്‍ ഞാനും വന്നിടാം  ചന്ദനചാര്‍ത്തിന്‍ സുഗന്ധവുമായ് അലിഞ്ഞുചേര്‍ന്നിടാന്‍ ഞാനുമെത്തീടാം  അഭിഷേക തെളിനീരില്‍  ഒഴുകി നീങ്ങവേ എന്നിലെ പാപഭാരമൊക്കെയും  അലിഞ്ഞുപോകുവതറിയുന്നു ഞാന്‍  ഉഷസ്സിന്‍ പൊന്‍കിരണമെത്തും മുന്‍പേ ഉണര്‍ന്നതീ ജന്മപുണ്യത്തിനായ് നാമ സങ്കീര്‍ത്തനമുയരും വേളയില്‍  നേടിടട്ടെ ഞാനീ ജന്മസാഫല്യം.