കൊഴിഞ്ഞ കനവുകൾ തേടി വീണ്ടും
നീ എന്തിനു വെറുതെ അലയുന്നു
വരുകില്ലെന്നു ചൊല്ലി പിരിഞ്ഞു പോയതോർത്തു
ഏറെ നാൾ നെഞ്ചുരുകി കരഞ്ഞതല്ലേ
മരീചികയെന്തെന്നറിയാതെ നിന്നിൽ നിന്നും
അകലേക്കായ് ചിറകു വിരിച്ചു പറന്നതല്ലേ
ഇനിയൂം നിൻ മനസ്സിൻ തേങ്ങലുകൾ
ആരെയുമറിയിക്കാതെ അടക്കുകില്ലേ
കരയും മനസ്സിനെ നോവിക്കാതെ നീ
മനസ്സു തുറന്നൊന്നു ചിരിച്ചിടാമോ
നിഴലായ് നിന്നെ പിന്തുടരുമീ സ്നേഹ സ്വാന്തനം
നിലയ്ക്കാതിരിക്കുവാൻ ശ്രമിച്ചിടുമോ...
No comments:
Post a Comment