കവിത വിരിയും മനസ്സിൽ
കനലുകൾ എരിയുന്നതറിയുമ്പോൾ
ഒരു മഴത്തുള്ളിയായതിൽ നിപതിക്കുവാൻ
മനസ്സിൻ വെമ്പൽ വ്യാമോഹമെന്നറിയുന്നു
എരിയുമാ മനസ്സിൻ തീച്ചൂളയിൽ
ഉരുകി തീരുമോ നിൻ മോഹങ്ങൾ
മഞ്ഞു തുള്ളിയായ് ഇറ്റുവീണിടാം
നിൻ മനസ്സ്സിലേയ്കിറ്റു തണവേകുവാൻ
ചിരി കൊണ്ടു പൊതിയുന്ന പൊയ്മുഖമെന്നാലും
പുകയുന്നൊരു ഉള്ളം കാണുന്നു ഞാൻ
വിടരാതെ കൊഴിയുന്ന നിൻ സ്വപ്നങ്ങൾ
വിടർത്തീടാം ഈ ഊഷര ഭൂവിൽ
വളർത്താം നിന്നിലെ സ്വപ്നങ്ങൾ മുല്ലവള്ളി പോൽ
പടർത്തീടാം സ്നേഹത്തിൻ തേന്മാവിൽ....
തളരരുതേ ഇനിയും നിൻ മനം
തകരാതെ ഞാൻ കാത്തു സൂക്ഷിച്ചിടാം..
No comments:
Post a Comment