അറിയുന്നുവോ...

അറിയുന്നുവെന്നും ആ മൌനത്തിന്‍  സാന്ദ്രമാം മൊഴികളെ അറിയാതെ പോകുവതില്ല നിന്‍ ഹൃദയ സ്പന്ദനത്തെ പ്രിയമേറെയെന്നു ചൊല്ലിയത് വെറും വാക്കല്ലെന്നറിഞ്ഞിട്ടും  പറയുവാനാകതില്ലയെന്‍  മനസ്സിന്‍ നേരുകളെ ഓര്‍മ്മകള്‍ മാടി വിളിച്ചിടുമ്പോള്‍  തെളിയുന്ന സുവര്‍ണ്ണ നിമിഷങ്ങളില്‍  കിനാവിന്‍ തീരത്തണഞ്ഞിടാം  നിന്‍ മോഹമായലിഞ്ഞു തീരാം  ഇല കൊഴിയും മര്‍മ്മരത്താല്‍  സ്നേഹ ഗീതികള്‍ പാടിടാം  കൊഴിയുന്ന പൂക്കളെ കൊരുത്തെടുത്ത് സ്നേഹമാല്യം ചാര്‍ത്തിടാം  തുളുമ്പുന്ന കണ്ണീരൊളിച്ചു വെച്ച് നിറഞ്ഞ പുഞ്ചിരി പകര്‍ന്നു തരാം  നിലാവിലും തെളിയുന്ന നിഴല്‍ പോലെ എന്നും നിന്നോടൊപ്പം കൂട്ട് നില്ക്കാം