വൃഥാവില്‍...

ഇലഞ്ഞി പൂക്കളാല്‍  പരവതാനി വിരിച്ച ഇടവഴിയും  പവിഴമല്ലി പൂവുകള്‍ കളം വരച്ച കാവിലെ നാഗത്തറയും  പരല്‍മീനുകള്‍ ഓടിക്കളിക്കും  ആമ്പല്‍ നിറഞ്ഞ അമ്പലക്കുളവും  വേലിത്തലക്കലെത്തി നോക്കും  മഞ്ഞപട്ടുടുത്ത കോളാമ്പി പൂക്കളും  നറുമണം പരത്തി വിരിഞ്ഞു നില്ക്കും  തൈമുല്ലയും തെച്ചിപൂക്കളും  വയല്‍പൂക്കളെ ഉമ്മവെയ്ക്കും  നിറമേഴും പകര്‍ന്ന ശലഭങ്ങളും  മുളങ്കാട്ടില്‍ കിന്നാരമോതും  വാചാലരാം വണ്ണാത്തിക്കിളികളും  കാറ്റിന്‍ കരങ്ങളാല്‍ തലോലമാടും  ഹരിതാഭയാര്‍ന്ന നെല്‍ക്കതിരുകളും  മനസ്സിനെ മോഹിപ്പിക്കവേ പിന്നിട്ട വഴിയിലെക്കൊന്നു കാലചക്രം പിറകോട്ടു പോകുവാന്‍  വൃഥാവില്‍ മോഹിക്കയായ്...